అన్‌స్టాపబుల్ సీజన్ 4 మొదటి ఎపిసోడ్ నేడే స్ట్రీమింగ్... సీఎంతో బాలయ్య

నందమూరి నటసింహం బాలకృష్ణ ప్రస్తుతం ఓ వైపు సినిమాలు అలాగే రాజకీయాలతో బిజీగా ఉన్నారు. ఇప్పుడు అయన వ్యాఖ్యాతగా వ్యవహరిస్తున్న అన్‌స్టాపబుల్ షోతో మరింత బిజీ కానున్నారు. ఇప్పటికే మూడు సీజన్ లను పూర్తి చేసుకున్న ఈ షో ఈరోజు నుండి ఆహాలోసీజన్ 4 స్ట్రీమింగ్ కానుంది. అయితే మొదటి ఎపిసోడ్ కి గెస్ట్ గా ఏపీ ముఖ్యమంత్రి చంద్రబాబు నాయుడు వచ్చారు. షోలో బాబు చాలా విషయాలను పంచుకున్నారు. జైలులో తను అనుభవించిన నరకయాతన గుర్తుచేసుకుంటూ ఎమోషనల్ అయ్యారు. బాబు ఎమోషనల్ అవ్వడం చూసిన అక్కడి ఆడియన్స్ సైతం ఏడ్చేశారు. ఇక అభిమానులు ఎప్పుడెప్పుడా అని వెయిట్ చేస్తున్న సీజన్ 4 చంద్రబాబు నాయుడు ఎపిసోడ్ ఈరోజు ఆహా లో స్ట్రీమింగ్ కాబోతుంది. ఇక ఈరోజు సీజన్ 4 లో బాబు ఎపిసోడ్ కోసం ఇటు బాలయ్య ఫాన్స్ తో పాటు టీడీపీ కార్యకర్తలు సైతం ఎంతో ఆసక్తిగా వెయిట్ చేస్తున్నారు. ఈ షో నేడు రాత్రి 8:30 గంటలకి స్ట్రీమింగ్ కానుంది.