విజయనగరంలో పైడితల్లి అమ్మవారి తెప్పోత్సవానికి ఏర్పాట్లు

విజయనగరం పైడితల్లి అమ్మవారి సిరిమానోత్సవం తరువాత వచ్చే మంగళవారం పెద్ద చెరువులో  తెప్పోత్సవ కార్యక్రమం నిర్వహించేందుకు విస్తృతంగా ఏర్పాట్లు చేస్తున్నారు. కార్యక్రమానికి సంబంధించి ప్రధాన పడవను సిద్ధం చేసి క్రేన్ సహాయంతో పెద్ద చెరువులోకి దించారు. దీంతో పాటు మరో మూడు పడవలను భోగాపురం మండలం చోడిపిల్లి పేట నుంచి తెప్పిస్తున్నారు. ఈ ఏర్పాట్లను పైడితల్లి అమ్మవారి ఆలయ ఈవో ప్రసాదరావు దగ్గరుండి పర్యవేక్షిస్తున్నారు.