సొంత ఖర్చుతో స్వర్ణ పతకాలు అందజేసిన అయ్యన్న

స్కూల్ గేమ్స్ ఫెడరేషన్ ఆధ్వర్యంలో ఉమ్మడి విశాఖ జిల్లా స్థాయి వెయిట్ లిఫ్టింగ్, పవర్ లిఫ్టింగ్ పోటీలు ఈనెల 20 న నర్సీపట్నంలోని ఎన్టీఆర్ మినీ స్టేడియంలో  జరుగనున్నాయి. ఈ పోటీల్లో రాణించి విజేతలుగా నిలిచే 40 మంది క్రీడాకారులకు  అందజేసేందుకు సభాపతి అయ్యన్నపాత్రుడు సొంత ఖర్చుతో స్వర్ణ పతకాలు సమకూర్చారు. వీటిని వ్యాయామ ఉపాధ్యాయులు దేవి, శ్రీనివాస నాయుడుకు అందజేశారు. స్టేడియం వద్ద టెంట్లు, కుర్చీలకు అయ్యే ఖర్చూ భరిస్తానని  అయ్యన్న చెప్పారు.