తండ్రైన టీమిండియా క్రికెట‌ర్ స‌ర్ఫ‌రాజ్ ఖాన్

టీమిండియా యువ క్రికెట‌ర్ స‌ర్ఫ‌రాజ్ ఖాన్ తండ్ర‌య్యాడు. అత‌ని భార్య రొమానా జ‌హూర్ పండంటి మ‌గ‌బిడ్డ‌కు జ‌న్మ‌నిచ్చారు. చేతిలో కుమారుడితో స‌ర్ఫ‌రాజ్ దిగిన ఫొటో ప్ర‌స్తుతం సోష‌ల్ మీడియాలో వైర‌ల్ అవుతోంది. ఇక ఇటీవ‌ల ఈ యువ సంచ‌ల‌నం న్యూజిలాండ్‌పై అద్భుత‌మైన సెంచ‌రీతో ఆక‌ట్టుకున్న విష‌యం తెలిసిందే. జ‌ట్టు క్లిష్ట స‌మ‌యంలో ఉన్నప్పుడు అమూల్య‌మైన‌ 150 ప‌రుగులు చేశాడు. ఈ ఇన్నింగ్స్‌తో టీమిండియాలో త‌న స్థానాన్ని మ‌రింత ప‌దిలం చేసుకున్న‌ట్లైంది. ఇలా ఆనందంలో ఉన్న సర్ఫరాజ్‌కు ఇప్పుడు మగబిడ్డ జ‌న్మించడంతో ఖాన్ కుటుంబం సంతోషానికి అవ‌ధుల్లేకుండా పోయాయి.