ఆస్ట్రేలియా పర్యటనకు ఆంధ్రా యువ క్రికెటర్లు నితీష్‌, రికీ భుయ్‌

ఆస్ట్రేలియాలో పర్యటించే భారత్‌-ఏ జట్టులో ఆంధ్రా నుంచి యువ క్రికెటర్లు కె.నితీష్‌ కుమార్‌రెడ్డి, రికీ భుయ్‌లకు చోటు దక్కడం అభినందనీయమని ఆంధ్రా క్రికెట్‌ అసోసియేషన్‌ (ఏసీఏ) కార్యదర్శి సానా సతీష్‌ బాబు ఓ ప్రకటనలో తెలిపారు. పురుషుల సెలక్షన్‌ కమిటీ 15మంది సభ్యులతో కూడిన ఇండియా-ఏ జట్టును ఎంపిక చేసిన విషయం తెలిసిందే. ఆస్ట్రేలియా-ఏతో ఈ జట్టు రెండు ఫస్ట్‌క్లాస్‌ మ్యాచ్‌లు ఆడనుంది. తర్వాత పెర్త్‌లో టీమ్‌ ఇండియా ఆటగాళ్లతో కలిసి అంతర్గత ప్రాక్టీస్‌ మ్యాచ్‌ కూడా ఆడనుందన్నారు.