డోర్ దగ్గర షూ కొట్టేసిన స్విగ్గీ డెలివరీ బాయ్.. దొరికిపోయాడిలా

స్విగ్గీ ఏజెంట్లు చేసే కొన్ని పనులు ఆ కంపెనీకే చెడ్డపేరును తీసుకువస్తున్నాయి. గతంలో కొందరు స్విగ్గీ ఏజెంట్లు.. ఫుడ్ ఓపెన్ చేసి తిని.. మిగిలింది కస్టమర్లకు ఇచ్చిన సంఘటనలు కూడా ఉన్నాయి. మరికొందరు కస్టమర్లతో వాగ్వాదానికి దిగిన ఘటనలు కూడా చోటు చేసుకున్నాయి. తాజాగా జరిగిన ఓ ఘటన మాత్రం సోషల్ మీడియాలో తీవ్ర విమర్శలకు దారి తీస్తోంది.

ఢిల్లీ సమీపంలోని గురుగ్రామ్‌లో స్విగ్గీ పార్సిల్ తీసుకుని ఓ ఇంటికి వచ్చిన డెలివరీ బాయ్.. కాలింగ్ బెల్ కొడతాడు. కొద్దిసేపటికి ఆ ఇంట్లో నుంచి కస్టమర్ వచ్చి.. ఆ డెలివరీ బాయ్ నుంచి పార్సిల్ తీసుకుని మళ్లీ డోర్ వేసుకుంటాడు. అయితే ఆ డోర్ ముందు వెయిట్ చేసిన స్విగ్గీ డెలివరీ బాయ్‌కి.. గుమ్మం ముందు కొన్ని షూలు కనిపిస్తాయి. అందులో ఖరీదైన నైకీ కంపెనీకి చెందిన షూలు కూడా ఉంటాయి. వాటిని చూసి కక్కుర్తి పడి.. ఎలాగైనా కొట్టేయాలని చూస్తాడు. దీంతో అటూ ఇటూ చూస్తాడు.

కస్టమర్ పార్సిల్ తీసుకుని లోపలికి వెళ్లిన తర్వాత.. కొద్దిసేపు అక్కడే ఉండి ఫోన్ చూసిన స్విగ్గీ డెలివరీ బాయ్.. ఆ తర్వాత తన తలకు చుట్టుకున్న టవల్‌తో మొహం తుడుచుకుంటాడు. అనంతరం మెట్లు దిగి వెళ్లిపోతున్నట్లే వెళ్లి.. మళ్లీ తిరిగి వెనక్కి వచ్చేస్తాడు. చుట్టుపక్కల చూసి ఎవరూ లేరని ధ్రువీకరించుకున్న తర్వాత.. ఆ నైకీ షూలను తీసుకుని తన టవల్‌లో చుట్టుకుని అక్కడి నుంచి పారిపోతాడు. తనను ఎవరూ చూడట్లేదని భావించి ఆ నైకీ షూలను ఎత్తుకెళ్లిన ఆ స్విగ్గీ డెలివరీ బాయ్ మాత్రం.. అక్కడే పైన ఉన్న సీసీటీవీ కెమెరాను మాత్రం గుర్తించలేదు. దీంతో తాను చేసిన దొంగతనం మొత్తం ఆ సీసీటీవీ కెమెరాల్లో రికార్డ్ అయింది