గోదావరి అత్తా మజాకా అల్లుడికి 100 రకాల వంటలు

గోదావరి జిల్లాల్లో అల్లుడుని ఎంత బాగా చూసుకుంటారో మరోసారి సోషల్ మీడియాలో చర్చ మొదలైంది. సాధారణంగా అల్లుడుకి తినడానికి ఎన్నో రకాల వంటకాలు సిద్ధం చేస్తుంటారు. కానీ కాకినాడలో ఆషాడం ముగిసిన తర్వాత మొదటిసారి ఇంటికి వస్తున్న అల్లుడికి ఓ అత్త వంటకాలతో ఆశ్చర్యపరిచింది. కాకినాడ జిల్లా కిరాలం మండలం తామరాడ గ్రామంలో ఓ అత్త తన అల్లుడు రవితేజకు 100 రకాల వంటకాలతో ఘనంగా స్వాగతం పలికింది. అల్లుడు, కూతురిని కూర్చోబెట్టి 100 రకాల వంటకాలను కుటుంబ సభ్యులంతా కొసరి కొసరి వడ్డించారు. అది చూసి అల్లుడు చలించిపోయాడు. ఈ వంటల్లో అది లేదు.. ఇది లేదు అని చెప్పడానికి వీలులేకుండా అన్నీ ఇంట్లోనే ఆ అత్తగారు తయారు చేయడం విశేషం.