నవీన్ పోలిశెట్టి ఎక్కడ ఉన్నా జాతిరత్నమే...

ఆహా ఓటీటీలో బాలయ్య అన్ స్టాపబుల్ షో దూసుకుపోతున్న సంగతి తెలిసిందే. ఇప్పటికే సీజన్ 4లో 5 ఎపిసోడ్స్ వచ్చాయి. ఇటీవల శ్రీలీల, నవీన్ పోలిశెట్టి తో బాలయ్య షో షూటింగ్ జరిగింది. ప్రస్తుతం ట్రెండింగ్ లో ఉన్న హీరోయిన్ శ్రీలీల, ఎంటర్టైన్మెంట్ కి కేరాఫ్ అడ్రెస్ అయిన నవీన్ ఈ షోకి రావడంతో ఈ ఎపిసోడ్ పై మంచి అంచనాలు నెలకొన్నాయి. బాలయ్య – శ్రీలీల – నవీన్ పోలిశెట్టి ఎపిసోడ్ ఫుల్ ఎంటర్టైనింగ్ గా ఉంటుందని ఈ ఎపిసోడ్ కోసం ఫ్యాన్స్ ఇప్పట్నుంచే ఎదురుచూస్తున్నారు. తాజాగా ఆహా టీమ్ ఈ షో నుంచి ఒక ఫోటో రిలీజ్ చేసింది. బాలకృష్ణ శ్రీలీలకు ఏదో బహుమతి ఇస్తుంటే నవీన్ కూడా తీసుకుంటున్నట్టు దూరంగా నిల్చొని చెయ్యి పెట్టాడు. ఈ ఫోటో చూడగానే జాతిరత్నాలు సినిమాలో బర్త్ డే సీన్ గుర్తుకు వస్తుంది. ఆ సినిమాలో బర్త్ డే సీన్ లో నవీన్ కూడా తన ఫ్రెండ్స్ తో కలిసి ఎవరో గిఫ్ట్ ఇస్తుంటే ఇలాగే చెయ్యి పెడతారు. ఆ సీన్ తో కంపేర్ చేస్తూ ఆహా టీమ్ ఈ ఫోటో షేర్ చేయడంతో ఈ ఫోటో వైరల్ గా మారింది. సినిమాల్లోనే కాదు బయట కూడా ఫుల్ గా ఎంటర్టైన్మెంట్ ఇచ్చే నవీన్ పోలిశెట్టి ఇప్పుడు బాలయ్య ముందు కూడా తన ఎనర్జీని చూపించినట్టు తెలుస్తుంది.