అనంతలో సీఎం చంద్రబాబు పర్యటన ...

ముఖ్యమంత్రి చంద్రబాబు నాయుడు రేపు  అనంత జిల్లాలో పర్యటించనున్నారు. ఎన్టీఆర్ భరోసా పించన్లను పంపిణీ చేసేందుకు ముఖ్యమంత్రి జిల్లాకు రానున్నారు. అలాగే గ్రామస్థులతో సమావేశమవుతారు. జిల్లాలో సీఎం చంద్రబాబు పర్యటన సందర్భంగా ఆయన ఏ సమయంలో జిల్లాకు చేరుకుంటారు, ఎక్కడెక్కడ పర్యటించనున్నారు అనేదానిపై సీఎంవో షెడ్యూల్‌ను ఖరారు చేసింది. రేపు అనంతలో పర్యటించనున్న ముఖ్యమంత్రి చంద్రబాబు నాయుడు రాయదుర్గం నియోజకవర్గం బొమ్మనహళ్ మండలం నేమకల్లులో ఎన్టీఆర్ భరోసా పింఛన్లను పంపిణీ చేయనున్నారు. అనంతరం గ్రామస్తులతో సమావేశమై అర్జీలను స్వీకరించనున్నారు. సీఎం పర్యటన సందర్భంగా పోలీసులు కట్టుదిట్టమైన భద్రతను ఏర్పాటు చేశారు.