ఎన్ని నాటకాలున్నా కన్యాశుల్కం ప్రత్యేకం ` దర్శకుడు రవికుమార్‌

ఆధునిక సాహిత్యంలో ఎన్ని నాటకాలు ఉన్నప్పటికీ సాంఘిక నాటకాల్లో కన్యాశుల్కమే ముందు ఉంటుందని, ఆ నాటకం ప్రత్యేకమని  రామప్పపంతులు పాత్రలో నటించిన దర్శకుడు పి.రవికుమార్‌ అన్నారు.  కన్యాశుల్కం నాటకాన్ని సంక్షిప్తంగా తయారుచేసి  ప్రదర్శించాలని 2010 నుండి అనుకున్నామని, ఇప్పటికి నెరవేరిందని  ఆనందం వ్యక్తం చేశారు. సొంతవాక్యం ఒక్కటి కూడా  లేకుండా   గురజాడ రాసిన మాటలనే నాటకంలో ఉపయోగించామన్నారు. కన్యాశుల్కం నాటకం చాలామంది హాస్యం కోసం చూస్తుంటారని కానీ మహాకవి శ్రీశ్రీ   బీభత్సమైన విషాద నాటకం అని పేర్కొన్నారని ఆయన గుర్తు చేశారు.