ప్రజలతో ఎప్పుడు, ఏమి, ఎలా మాట్లాడాలో నాకు తెలుసు.. తమిళనాడు సీఎం విజయ్ వార్నింగ్

తమిళనాడు శాసనసభలో ప్రతిపక్షాల నుంచి వ్యక్తమవుతున్న వరుస డిమాండ్లపై ముఖ్యమంత్రి విజయ్ తీవ్రంగా స్పందించారు. తన వద్ద పెండింగ్‌లో ఉన్న కొన్ని ముఖ్యమైన ఫైళ్లకు సంబంధించిన ఆధారాలను బయటపెట్టాలని ప్రతిపక్షాలు పదే పదే ఒత్తిడి తెస్తుండటంతో, సభలోనే ఆయన వారికి గట్టి కౌంటర్ ఇచ్చారు. తన వద్ద ఉన్న ఫైళ్లన్నీ పక్కా ఆధారాలతో కూడుకున్నవేనని, వాటికి సంబంధించిన వివరాలను "సరైన సమయం వచ్చినప్పుడు" మాత్రమే వెల్లడిస్తానని సీఎం విజయ్ స్పష్టం చేశారు. ప్రతిపక్షాల ఒత్తిళ్లకు తలొగ్గేది లేదని, ఆధారాల బహిర్గతంపై సమయానుకూలంగా నిర్ణయం తీసుకుంటానని తెలిపారు. ప్రజలతో "ఎప్పుడు, ఏమి, ఎలా మాట్లాడాలో నాకు బాగా తెలుసు" అని ఈ సందర్భంగా విజయ్ స్పష్టం చేశారు. సమయం వచ్చినప్పుడు వివరాలు బయటపెట్టకుండా తనను ఎవరూ అడ్డుకోలేరని తేల్చిచెప్పిన ఆయన, సరైన సందర్భంలోనే సమాధానం ఇస్తానని గట్టిగా వార్నింగ్ ఇచ్చారు.